Comentar (0)EnviariCalCompartir

sábado 8 de febrero de 2014 - 20h30

Concierto de Skama la Rede, Skakeitan y ON

Conciertu
Skama la Rede, Skakeitan y ON van poner música en directu a la celebración. Los asturianos son ún de los grupos referenciales del rock astur y per primer vegada van actuar en La Madreña, onde van adelantar parte del cuartu discu que tán grabando nestos momentos. El ritmu ska va ponelu tamién Skakeitan, moza formación donostiarra que ta llamada a recoyer el testigu de clásicos del xéneru como Skalariak o Betagarri. Los más de 30 conciertos que dieron en namás 3 meses, son amuesa de la calidá del directu de la banda. Pero enantes d'ellos tocará-y el turnu a ON, tríu encabezáu por Itsaso Gutierrez -vieya conocida del euskal rock- que va llevar al local okupáu uvieín el so rock fondu y directu.

Les entraes anticipaes -y pa los socios d'Ixuxú- van tar a la venta a partir del 27 de xineru por un preciu de 4 €, mientres que na puerta va ser 5 €. Los puntos de venta: El Cafetón (Avilés), L'Esperteyu (Uviéu), Chigre Ochobre (L'Entregu), La Escuela (Cangues d'Onís), El Judá (Siero), Sestaferia y Sidrería Canteli (Xixón).

Con esti aniversariu, Ixuxú Asturies-Euskal Herria elkartea amuesa una parte importante de la so fueya de ruta pa 2014: entamar tamién a averar a Asturies aspeutos culturales y sociales vascos.