domingo 30 de noviembre de 2014 - 18h30
Proyección "La batalla de Argel"
La batalla de Argel ye una película filmada en blancu y negru que retrata los oríxenes, el desarrollu y el fin del enfrentamientu ente'l Frente de Lliberación Nacional (FLN) d'Arxelia y les autoridaes coloniales franceses na ciudá d'Arxel ente 1954 y 1957, con un rápidu saltu final que conduz hasta'l momentu de la independencia d'Arxelia en 1962.
Pa ello sigue los pasos d'ún de los más destacaos activistes de la casbah d'Arxel, Omar Alí La Pointe, dende los sus años de mocedá hasta la su muerte en setiembre de 1957, acorraláu poles tropes paracaidistes franceses.
Tres la dolorosa derrota de Dien Bien Phu, la Llexón Estranxera francesa tién dalgo que probase a sigo mesma. La oportunidá de facelo paez tar n'Arxel, una de les colonies gales más cercanes a la metrópoli pero cuyos habitantes entraron definitivamente nel camín de la independencia.
Asina, arxelinos y llexonarios enzarzaránse nuna brutal contienda, na que la tortura, la traición y l'asesinatu sedrán les armes más empleaes. Un film comisionáu pol gobiernu arxelín que intenta mostrar la guerra de la independencia d'esi país dende la perspectiva de dambos bandos.
