sábado 20 de diciembre de 2014 - 18h
Presentación del llibru "Cuatro estaciones hacia la locura" y folixa post-presentación
Presentación del llibru "Cuatro estaciones hacia la locura" na Sidrería Canteli (C/ Almacenes), a partir de les 18:00 h. Va haber un númberu llimitáu de llibros a la venta firmaos pol propiu Evaristo. Si nun quieres quedar ensin el llibru firmáu, mándanos un mensaxe priváu al facebook de Sestaferia, indicándonos el tu nome. Si nun puedes dir a la presentación pero quieres igual un llibru firmáu, déxanos en priváu'l tu nome y un contactu o forma de facetelu llegar.
Dempués de la presentación, a eso de les 8 la tarde, un poco de folixuca en Sestaferia pa recordar tola trayectoria musical del protagonista de la xornada.
Cuatro estaciones hacia la locura ye un viaxe pel universu más íntimu del su autor, Evaristo Páramos Pérez (La Polla Records, Gatillazo). Una aventura arriesgada y ensin aditivos, capaz de llevate dende la perplexidá o el deseu desnudu hasta la crudeza más absoluta, y siempre tres la güeyada inconfundible d'ún de los músicos más reconocíos, llibres y personales de l'actualidá.
La su estructura en forma de diariu, nun percorríu que abarca un añu natural na vida'l su autor e ilustráu pa la ocasión, favorez esta idea de transitu y avéranos meyor a una personalidá tan única como inrepetible. Nun te asustes si en dalgún momentu'l textu te oprime, simplemente disfruta'l percorríu y déxate llevar; eso sí, prepárate, vienen curves.
Ensin dulda ún de los exercicios lliterarios más atrevíos y personales que podrás recordar.
