miércoles 4 de marzo de 2015 - 20h
PROYECIÓN Y PRESENTACIÓN DE: "CLAVELES EN LA DISTANCIA".
Esti miercoles 4 de Marzu, les habituales proyecciones de los miércoles del Centru Social autoxestionau La Semiente, reciben la visita de Luis Felipe Capellín, como siempre a les 8 la tarde. El prolíficu documentalista asturianu, que ya visitó esti escenariu coles presentaciones de "Morir nel Tarronal" y "Guerrilleru Quintana", regresa a L'Entregu pa presentar un de los so nuevos documentales "Claveles na distancia".
El 25 d´Abril nun ye solo una fecha clave na hestoria de Portugal col llevantamientu de los militares conocíu como la Revolución de los claveles, amás de rematar con una feroz dictadura de cuasi cincuenta años nesi país, resultó decisivu pa la independencia de les hasta esi momentu colonies portugueses Angola, Guinea Bissau, Mozambique, Cabu Verde... lo que fixo qu'aquel procesu fora siguíu con inusitado interés en tol mundu. CLAVELES NA DISTANCIA fala de cómo dende España (tan cerca y al empar tan llueñe de Portugal) vivieron delles persones aquellos díes y ta realizada xusto coincidiendo col venticinco aniversariu (agora'l pasáu añu 2014 celebróse'l cuarenta) d'una fecha que pasó definitivamente a la hestoria del sieglu XX.
