domingo 8 de marzo de 2015 - 18h30
Proyección "Femicidio/Feminicidio - Ni una más" y "Die Rote Zora"
Esti domingu día 8, coincidiendo cola cellebración del Día Internacional de la Muyer Trabayadora, vamos proyectar estos dos documentales.
FEMICIDIO/FEMINICIDIO - NI UNA MÁS
Documental que percorre la realidá llamada como Feminicidiu / Femicidiu en Guatemala, México (Cd. Juárez), Hondures, Colombia y Arxentina, destacando la tresversalidá d'esti fechu y lo que tién en común nestos países Llatinoamericanos.
DIE ROTE ZORA
Rote Zora o «Zorras Rojas» en castellán, foi un grupu de llucha armada de llesbianes y muyeres que se dió a conocer por primer vegada en 1977 con un ataque a la Cámara Federal Alemana de Médicos.
Anque ésta nun yéra la so primer acción, yá que en 1975 yá pusieron una bomba nel Tribunal Constitucional, llamándose d'aquella «les muyeres de las RZ». Nel textu «Cada corazón ye una bomba de reloxería» despliquen esta militancia. Dambes acciones taben rellacionaes cola campaña pola despenalización del abortu que aglutinaba a gran parte'l movimientu feminista alemán d'aqueñña. Durante casi 20 años Rote Zora llevó a cau abondes acciones n'apoyu a diferentes lluches feministes. La última acción de Rote Zora tuvo llugar en 1994. En 1996 anunció la so disolución.
¡Denguna Rote Zora tuvo na cárcel nin un día!
Queremos refrescar la memoria alrodiu les lluches de llesbianes y muyeres que fueron muncho más alló que pidir una parcela de poder dientro'l sistema patriarcal y asina ser cada vegada más sabies en cuantu a la resistencia contra'l Sistema: renunciar a los sos chantaxes, facelos públicos y atacalos.
Pensar en cómo llevar a cau la llucha, facela y vivir en pie de guerra contra'l patriarcáu tién muncho que ver con construyir la resistencia dende lo inmediato, dende lo cotidiano. Practicar la rebelión cotidiana ye un exerciciu pa mantenese en forma na llucha constante contra les estructures patriarcales.
Utilizando les sos pallabres y acoplándoles a estes llínies: "Quitanos el disfraz de la cobardía, ponenos la capucha y prender los nuesos corazones que son una bomba de reloxería".
