domingo 29 de marzo de 2015 - 18h30
Proyección documental "Una sola bala"
Reportaxe sobre los francotiradores de les Fuerces Armaes israelíes. Foi ésta la primer vez que se-yos permitió que concedieren entrevistes pa un documental.
One Shot céntrase en francotiradores que tovía sirven na reserva l'exércitu israelí. Falen sobre les muertes que ocasionaron, los sos sentimientos al recordales y la so propia moral. Nun les llamenten, tovía asumen la máxima d'un disparu, un muertu.
Dempués de cinco selmanes d'entrenamientu, un soldáu israelí puede convertise, si quier, en francotirador. Fomen parte de toles unidaes de combate y, dende la última intifada, fueron utilizaos pa matar selectivamente a miembros de la resistencia palestina.
El francotirador ye l'únicu soldáu que ve "el blancu los güeyos de la so víctima". Sigún la so forma de pensar, eso ye lo que los separa del restu los militares. La imaxen fórmenla'l fusil, la bala y l'home que tá detrás d'ellos, esperando na oscuridá, con paciencia y en calma, pa cumplir la orden y efectuar un únicu disparu. Esto fáelu apaecer ente sí mesmu como un heroicu lluchador y, pa otros, como un asesinu a sangre fría.
Les escenes de guerra d'esti documental fueron filmaes polos soldaos que participaben n'elles.
