sábado 4 de julio de 2015 - 17h
Taller de creatividá y conocimientu cíclicu
La idea ye facer dos hores y media/ tres de taller non mixtu de 10 places. El preciu 10 euros por muyer/moza
Les moces que quieran apuntase pueden escribir al email de Sestaferia (sest aferiaxi xon@gmai l.com) o a esti otru: thef leshproj ect@outl ook.com
El nuesu oxetivu: Crear capital simbólicu nuevu, contactar col nuesu cuerpumuyer y los nuesos ciclos desmitificando tabúes androcentristes. La esperiencia vital y creadora na so espresión narrativa como arma contra un sistema heteropatriarcal capitalista que ha ser dinamitáu.
Los círculos de muyeres pa compartir verdá, placer y tamién dolor, fueron desllexitimaos como espacios de saberes empíricos pola sociedá androcéntrica. Creo firmemente que (re)construir estos espacios de cuidáu, conocimientu e intercambiu ye clave pa superar la zona de confort y les creencies asimilaes que constriñen la nuesa creatividá, autonomía y concencia corporal.
La participación de les muyeres na creación de capital simbólicu foi durante sieglos reducía a la tresmisión oral nel ámbitu domésticu de mitos y hestories que favorecíen l'asimilación de pautes androcéntriques nxs neñxs. La cultura occidental tá atrofiada d'arquetipos cosificadores que asocien a la muyer tres rasgos como esenciales: victimización, maternidá y sexualidá.
Partiendo de la necesidá imprescindible de reescribinos fuera d'estos cánones y despoxanos de tabúes sobre'l nuesu cuerpu, la nuesa sangre y los nuesos ciclos, empezó a xestase una idea que se nutre de la esperiencia propia y de la d'otres, d'investigación y trabayu.
El taller tará orientáu a la creación, l'intercambiu y la reconexón col nuesu cuerpu, el nuesu úteru, la nuesa sangre menstrual. En grupos reducíos, vamos despoxar de tabúes patriarcales al nuesu menstruo, a acompañanos afondando nos nuesos ciclos nun cículu fuera de les demandes cotidianes, a crear hestories nueves que falen de les nueses xenealoxíes de muyeres. La interacción grupal y la creación narrativa nun espaciu de confianza sedrán el vehículu pa trescender creencies llimitadores, pa volver a colocar "la vida nel centru".
Exes:
Vamos falar de:
- Mitos androcéntricos: difusión y deconstrucción. Muses disidentes.
- Reconexón col nuesu cuerpu: destruir tabúes. L'Otru Femeninu.
- Ciclu menstrual. Doncella, Madre, Chamana y Anciana.
Conversaremos y pondremos en comuña la nuesa esperiencia vital pa:
- Parte práctica creativa: creación d'hestories. Decímonos, repensámonos, dende'l nuesu adientro hacia fuera pa crear nueu capital simbólicu