Axenda Mazucu

Proyeición documental "Panteras Negras: todo el poder para el Pueblo"

El Partíu Pantera Negra d'Autodefensa, ye una organización politica afroamericana, fundada nos Estaos Xuníos, n'ochobre de 1966 por Huey P. newton, Bobby Seale y David Hilliard.
Nos sos oríxenes foi una organización creada pa l'autodefensa del pueblu negru, afalando a la población negra a exercer el derechu constitucional a poseer armas.
Fueron los primeros grupos sociales y revolucionarios en sufrir la infiltración y manipulación policial, algamando'l FBI casi aniquilar el movimientu, sobre too por mor de la utilización de drogues (como'l crack).
Si bien se constituyó como partíu e, incluso, llegó a llevar alantre una política ellectoralista nos años 72 y 73, el so trabayu comunitariu y de base siempre foi preponderante. En pallabres de Seale: "punxéremos en marcha una revolución braera, dende la base, pa la xente normal." Dientro les sos aiciones sociales destaquen el programa d'almuerzu pa neños, l'habilitación de clíniques gratuites pa la población y la llucha contra les drogues, al considerales como un arma d'alienación. Amás impartíen clases gratuites de derechu y economía, autodefensa y primeros auxilios.
La llucha'l partíu Panteres Negres significó una lliberación del movimientu afroamericanu, un pasu axigantáu hacia la llibertá y la igualdá ente races.
La ideoloxía inicial del grupu articulabase alrodiu'l llamáu "Programa de los Diez Puntos":
1. Queremos la llibertá, queremos el poder de determinar el destín de la nuesa comunidá negra;
2. Queremos plenu empleu pa la nuesa xente;
3. Queremos el fin de la rapiña de la nuesa comunidá negra pela parte'l home blancu;
4. Queremos viviendes decentes, afayaes al ser humanu;
5. Queremos pa la nuesa xente una educación que amuese la braera naturaleza d'esta sociedá americana decadente. Queremos una educación que enseñe la nuesa braera hestoria y el nuesu papel na sociedá actual;
6. Queremos una sanidá gratuita pa tolos homes negros y la xente oprimío;
7. Queremos que tolos homes negros teamos exentos del serviciu militar;
8. Queremos el fin darréu de la BRUTALIDÁ POLICIAL y DEL ASESINATU de la xente negro;
9. Queremos la llibertá pa tolos homes negros deteníos nes prisiones y nes cárceles federales, estatales, de condáu y municipales;
10. Queremos que tola gente negro unviada a xuiciu seya xulgada en tribunales paritarios o de xente de la comunidá negra, como tá previsto na constitución de los Estaos Xuníos;