tema : Historia
Comentar (0)EnviariCalCompartir

viernes 27 de mayo de 2016 - 19h

Errores y horrores del españolismu llingüísticu,con Juan Carlos Moreno Cabrera

Vienres 27, 19:00

"Errores y horrores del españolismo lingüístico" ye un manifiestu concisu y contundente que fae esplícita nos detalles más íntimos la ideoloxía del españolismu llingüísticu, predominante na inmensa mayoría de los discursos oficiales sobre l'español anguaño. Una ideoloxía basada na falsedá de que'l castellán ye más apta pa la convivencia, la comunicación y el desarrollu personal y social, qu'otres llingües coles que convive, como por exemplu l'euskera o l'asturianu. Nesti polémicu ensayu analícense los sos tópicos fundamentales y demuéstrase, mediante razonamientos cenciellos pero sólidos y exemplos cercanos como'l casu de Navarra, que se basen n'erros (la mayor parte d'ellos intencionaos), que producen los horrores de la hexemonía opresora d'una llingua sobre les demás.

Sobre l'autor:
Juan Carlos Moreno Cabrera (Madrid, 1956) doctor en Filosofía y Lletres y caderalgu de Llingüística Xeneral na Universidá Autónoma de Madrí, foi miembru de dellos comités de la UNESCO relacionaos cola llingüística y la diversidá cultural. Pertenez a varios comités científicos y collabora davezu con diverses revistes d'investigación llingüística. Investigador de reconocíu prestixu y divulgador natu, a la par que radical na defensa de toles llingües del mundu, la so bayurosa obra, más d'una quincena de trabayos rellacionaos sobre too cola llingüística, les llingües minorizaes del Estáu español y la política llingüística, goza d'un ésito inusual nuna materia históricamente tan alloñada del gran públicu.