miércoles 14 de marzo de 2018 - 19h30
Presentación de la Rede pola Oficialidá de la Contorna d'Avilés
PRESENTACIÓN PÚBLICA DE LA REDE POLA OFICIALIDÁ DE LA CONTORNA D'AVILÉS (ROCA)
MIÉRCOLES 14 MARZU. 19:30 h. CENTRU DE SERVICIOS UNIVERSITARIOS (CAI DE LA FERRERÍA, 7). AVILÉS.
La Rede pola Oficialidá de la Contorna d'Avilés (ROCA) va facer la so presentación pública'l viniente miércoles 14 de marzu, a les 19:30 h., nel Centru de Servicios Universitarios d'Avilés, allugáu na cai La Ferrería, 7.
Nesti actu, amás de presentar los oxetivos de la ROCA, vamos analizar les llinies xenerales del modelu d'oficialidá afayaízu p'Asturies, el procesu que tien de ponese en marcha pal algame de dicha oficialidá y el papel que tien de xugar el movimientu social de reivindicación nesti procesu.
Na presentación vamos cuntar coles vinientes intervenciones:
-Xosé Ramón Iglesias, Secretariu de l'Academia de la Llingua Asturiana.
-Xosé Candel, de la Xunta pola Defensa de la Llingua Asturiana.
-Sabel Tuñón, d'Iniciativa pol Asturianu.
-Alexia Fernández, de la Rede pola Oficialidá de la Contorna d'Avilés.
Tais convidaes toles persones que teis interesaes nel tema.
