tema : Economía
Comentar (0)EnviariCalCompartir

jueves 9 de julio de 2020 - 17h

Alderique:¿Qué producimos?¿De qué manera?¿A qué preciu?

Xueves 9 de xunetu a les 17:00, alderique.

Con estes y más entregues, dende CSI Uviéu, convocamos un alderique pa una reflexón venceyada a la nuesa actividá sindical, centrar fuercies no que más interesa a la clase obrera a mediu y llargu plazu.

El pieslle d'industries con gran consumu de recursos y que lleven asociao degradación ambiental a nivel llocal y planetariu dexen amás de paru, desamparu y precariedá, sobre la necesidá de desendolcar alternatives viables que permitan vides dignes ensin fecha de caducidá, ensin enfotanos en caltener lo insostenible, teniendo en cuenta les xeneraciones que va a habitar los territorios degradaos.

Ye necesariu plantegar un modelu productivu que sirva pa satisfacer les necesidaes humanes ensin sobrepasar les llendes impuestes pola naturaleza. Llímites colos que nun se pue negociar y que cada vegada dan signos más evidentes de tar mui cerca.

Nun ye un caprichu románticu vivir n'armonía col entornu natural llocal. Ye una necesidá vital colectiva innegociable disponer de llínies de producción de bienes y servicios a nivel llocal non subordinaes a la Tasa de Ganancia del capital. La nuesa actividá nun pue llimitase a lluchar por un reparto más equitativu de les ganancies mientres vemos cómo les bases materiales que caltienen la vida, los ecosistemes, pierden rápidamente la posibilidá de rexeneración énte l'avance de la industria fósil y les sos consecuencies, na ordenación del territoriu, nes infraestructures obsoletes col consiguiente destrozu ambiental.

Sirva d'exemplu la crisis del COVID que punxo de relieve l'ausencia de cadenes de suministru de bienes esenciales y la estrema dependencia esterior de mercancíes que, pudiendo fabricase equí, vienen d'ehí d'onde mayor seya la relación costo-beneficiu.