viernes 9 de septiembre de 2022 - 19h
"Oxetivu Avilés",Charla sobre los bombardeos de la Guerra Civil en Avilés
"OXETIVU AVILÉS", CHARLA DE LA TRÓKOLA SOBRE LOS BOMBARDEOS DE LA GUERRA CIVIL N'AVILÉS.
VIENRES 9 SETIEMBRE. 19:00 h. PALACIU VALDECARZANA. AVILÉS. ASTURIES.
ENTAMA: LA TRÓKOLA.
INTERVIÉN: PABLO MARTÍNEZ CORRAL, PROFESOR D'HESTORIA Y MIEMBRU DE LA TRÓKOLA.
Avilés yera territoriu republicanu dende l'escomienzu la guerra; la so industria y el so puertu convertíenla nun oxetivu militar.
L'aviación fue un arma decisiva nuna guerra na que la Contorna d'Avilés sufrió dellos bombardeos llevaos a cabu pola Lexón Cóndor, que yera un cuerpu espedicionariu del Gobiernu nazi alemán, provistu de los meyores aviones, y qu'apoyare a les tropes franquistes dende l'aniciu la guerra.
Nel trescursu la guerra, la Lexón Cóndor acosó y bombardeó indiscriminadamente a la población avilesina, que sumaba unos 17.000 habitantes, a los qu'había d'amestar dellos miles de persones refuxaes, que veníen fuxendo d'otros frentes de guerra, y que yá n'ochobre de 1936 llegaben a la cifra de 6.000.
Hasta agora, en La Trókola teníemos dataos cinco bombardeos sobre la Contorna d'Avilés, pero la nueva documentación a la que tuvimos accesu permítenos aumentar a 8 el númberu de dichos bombardeos.
