Axenda Mazucu

Vicente García Oliva presenta "Los Tordos"

Miércoles prestosu el que vos espera en La Llocura cola visita de Vicente García Oliva, que vien a falanos desta novela con prefaciu de Faustino Zapico, un exerciciu de memoria dende les trincheres de la batalla d'El Mazucu.
L'autor va tar acompañáu pol editor de Hoja de Lata Daniel Álvarez.

Para saber un poco más:

"Nes trincheres d'El Mazucu, nos díes caberos de la Guerra Civil, dos hermanos d'armes, Higinio Carrocera y Tordín, sincérense l'unu col otru y faen memoria de les sos vides. La situación ye desesperada y namás un puñáu de combatientes caltién la resistencia del Frente Norte.

Años atrás, los neños de l'aldea de Castañera Alta, na cuenca del Nalón, reciben con curiosidá o con rocea la llegada d'una familia de xente probe, a la que nun van tardar en colgar el nomatu de los Tordos. A la reciella sobretoo lláma-y l' atención Sabela, la rapacina de los recién aportaos, una neña de güeyos tan negros como la fame qu'arrastren. Unos güeyos que posen en Miguel, al que toos llamen el Profe. Y Miguel siente nesi momentu tol vértigu que puedes sentir cuando tienes catorce años y la vida preséntase ensin avisar.

Vicente García Oliva, ún de los narradores asturianos más destacaos, firma una obra de madurez lliteraria que nos envuelve y afalaga, ensin facer ruíu nin gastar efectismos. Una hestoria de xente sencillo viviendo momentos trescendentales na historia del so país".

Evento de La Llocura Llibrería-Café