viernes 8 de septiembre de 2023 - 12h
8S de Soberaníes (Atiendi, Asturies, atiendi)
Dempués del parón del branu, tamos entamando a retomar l'actividá y vamos entamar el cursu políticu cola celebración del actu pol 8 setiembre.
Col nome de 8S (de Soberaníes) vamos celebrar una xornada en La Casona de la Montaña (Uviéu) dende'l mediudia hasta media tarde aproximadamente, na que va haber el siguiente programa:
Charra/Entrevista 'Nunca Vencida' con David Guardado como convidáu
Intervención política "Atiendi Asturies"
Breve actuación musical de Nacho Vegas
Espicha
Música
Actividaes pa la reciella
Baille
Dende Aína convidamos a tola militancia, inscrites y simpatizantes a participar nesta xornada política y de xermandía y pidimoste que, si vas quedar a xintar, confirmes la to asistencia nesti formulariu enantes de 3 de setiembre: https://forms.gle/YdyekhAwQtyiJVeR7
El menú tien un preciu de 20 €, hai que lo pagar per tresferencia o bizum enantes del 6 de setiembre y inclúi tortiella de patata, nachos con quesu y guacamole, croquetes de xamón, chorizos a la sidra, fingers de pitu, patates trés salses y frixuelos. Sidre, agua y cerveza. Tamién va haber opciones alternatives aparte, a la carta.
Nos próximos díes vamos anunciar el cartelu, los horarios y la programación completa.
¡Vémonos en dos selmanes!
Mesa Nacional d'Aína.
