Axenda Mazucu

"Desmontando'l Barrocu.Restauración d'un retablo na Catedral d'Uviéu"

CONFERENCIA D'ÁSTURA DEL MARTES 9 DE XINERU:
"DESMONTANDO'L BARROCU. RESTAURACIÓN D'UN RETABLU DE BERNARDO DE LA MEANA NA CATEDRAL D'UVIÉU", por NATALIA DÍAZ-ORDÓÑEZ.
-----------------------------------
Atenéu Obreru de Xixón
Antigua Escuela Comerciu, 2ª planta
19:00 hores
-----------------------------------
Na conferencia de xineru vamos ver cómo ye'l procesu de restauración d'un retablu barrocu, procesu nel que remanecen munchos detalles sobre los materiales, les téuniques pictóriques y de doráu, el contestu históricu o los sistemes constructivos necesarios pa caltener de pies estes pergrandes construcciones en madera. Un retablu barrocu ye, non yá un fabulosu exemplu de precisión téunica, sinón tamién, de desenvolvimientu intelectual, pues -na so cadarma y nes sos imaxes y talles- tou ta previsto.
------
NATALIA DÍAZ-ORDÓÑEZ
Diplomada en Caltenimientu y Restauración de Bienes Culturales, na especialidá de pintura, pola Escuela Oficial de Madrid y Grau pola Escuela Oficial de Pontevedra. Cursó formación en restauración de pintura contemporánea nel Muséu Nacional Reina Sofía y ye tamién Esperta en restauración de piedra pola Universidá d'Uviéu.

• Ye xestora de Recursos Turísticos y en Mediación y Educación en Museos y otros centros patrimoniales.
• Trabayó en Museos Nacionales tales como'l Muséu Nacional d'Escultura de Valladolid o'l Muséu de Lleón per dellos años, destacando l'encargu por parte del Ministeriu de Cultura de la redaición del Estudiu del Estáu de Caltenimientu y propuestes de tratamientu de los pasos de Selmana Santa allugaos nel Muséu Nacional d'Escultura (Gregorio Fernández, Fernando Roelas…).

Fincada n'Asturies dende l'añu 2000, restaura numberoses obres, tanto pa particulares como pal Arzobispáu d'Uviéu per aciu subvenciones de la Conseyería de Cultura. Apocayá entama la restauración del Retablu de San Pablu de la xirola de la Catedral d'Uviéu, la restauración de la escultura monumental de Valdés Salas nel edificiu históricu de la Universidá y la direición d'obra de los trabayos de restauración de la Capiella de la Llaboral. En pintura mural son de sorrayar les actuaciones llevaes a cabu en llugares emblemáticos, como les Catedrales de Lleón, Santiago de Compostela y Zamora, o la ellaboración d'un diagnósticu pa les pintures murales de Santuyano n'Uviéu, so la direición del Institutu del Patrimoniu Cultural d'España.

Foi premiu al empresariu Autónomu del añu 2017, otorgáu pola CEAT y FADE y comisaria en delles esposiciones venceyaes a la basílica de Santuyano. Collabora col importante estudiu EDM Arquitectura de Madrid y con Palacios d'Asturies na rehabilitación d'edificios singulares.
-------
© Semeyes de Juanjo Arrojo