Axenda Mazucu

II Aquelarre Lliterariu na Llocura

Tamos felices de contraprogramar nel domingu de ramos y pa ello cuntamos coles voces de tres escritores prestoses: Solinca Turbón, Sofía Castañón y Aida Escudero. Y too col entamu de la asociación Guahes Terribles, que asina nos lo cuenten ellos:

"¡Aloha, xentiquina! Entá coles enerxíes del #8m equí vos traemos el nuesu II Aquelarre Lliterariu.
.
Siguiendo col formatu d'alcuentros lliterarios que tanto nos presta, traémosvos esti eventu que nos fai muncha ilusión. Queremos pone-y el ramu a esti mes de llucha reivindicando y poniendo en valor la lliteratura fecha por muyeres.
.
Pa ello vamos cuntar con tres autores de lo meyor d'esta tierra como son Aida Escudero, Solinca Turbón y Sofía Castañón. Pa presentales a elles y pa dirixir el micro abiertu vamos cuntar cola compañera Jennifer Berrocal.
.
Domingu 24 de marzu a les 13:00h
La Llocura Llibrería-Café. Cai Aller, 1 en Mieres del Camín.
.
Como siempres, sois bienllegaes toes aquelles que queráis lleenos, cuntanos o cantanos dalgo de vueso o de la vuesa autora preferida.
.
Mesmo que l'añu pasáu, va tratase d'un recital non mistu. Ye dicir, los homes tán más que convidaos a venir a poner la oreya pero'l micro va tar abiertu esclusivamente a muyeres. ¡Qu'ésto ye un aquelarre...!
.
Gracies a La Llocura Llibrería-Café pol so llabor espardiendo cultura y por ser siempres cómplices en tolos saraos que proponemos. Con vosotres da gustu
Gracies tamién a @mwalllace pol sofitu pa col cartelu, a Jennifer Berrocal pol llabor organizativu y caro, a Aida Escudero, Solinca Turbón y Sofía Castañón por venir a compartir el so arte con nós.
.
Vémonos el domingu, que pa dalgo contraprogramamos: nin ramos, nin rames, nin ramines nin ramones ... ¡¡Domingu d'Aquelarre!!"