jueves 25 de abril de 2024 - 19h
Presentación del llibru "Y non, nun hubo prisión que parara la insumisión"
-Llibru-
XUÉVES 25 ABRIL 19:00 CSA La Xusticia
«Y non, nun hubo prisión que parara la insumisión»
EL PESU LA LLIBERTÁ (INSUMISA)
A finales del sieglu pasáu nel Estáu español, tolos mozos que cumplíen los 18 años, entá yeren llamaos a files pa cumplir el Serviciu Militar Obligatoriu de nueve meses. Munchos miles declaráronse oxetores de conciencia y cumplieron la Prestación Social Sustitutoria. Otros, miles tamién, ficiéronse insumisos ñegándose tanto a la mili como a la PSS.
N'Asturies, los insumisos pasaron del centenar, y de 1992 a 1997 diecinueve d'ellos pagaron pena de prisión nes cárceles d'Uviéu y Villabona, condergaos na so mayoría a dos años, cuatro meses y un día.
EL PESU LA LLIBERTÁ (INSUMISA) ye un rellatu d'aquellos años, d'aquella cárcele, d'aquellos díes d'enzarru obligáu y d'aquellos suaños de llibertá. Esa llibertá, que yá tas tastiando y que pues tocar cola punta los deos, va camudando col pasu de les hores y d'unos pocos díes fasta convertise nuna velea ensin salida na que la desesperación fai perder l'enfotu por algamar la vuelta al mundu de los d'afuera que se vuelve a alloñar.
Pero na cárcele, nes cárceles, tamién aporta la primavera.
Y NON, NUN HUBO PRISIÓN QUE PARASE LA INSUMISIÓN
https://laxusticia.noblogs.org/author/xustici…
