miércoles 1 de mayo de 2024 - 12h
Manifestación Primeru de Mayu de CNT
O nos salvamos colectivamente o acaben con too.
Dicen que ye hora de recuperar salariu y reducir xornaes de trabayu. Y bueno ye, decimos nosotres.
Agora mirando palos llaos más bien paez que Asturies sigue n'esa cuesta abaxu sin fin. Esa cuesta pola que cayó la Duro, Alcoa, Vesuvius, Hunosa, la naval… tantísimes empreses y casi tol sector industrial d'Asturies.
Estes semanes Saint Globain y Acelor otra vez nel puntu mira. Y el grupu El Arco na cuerda floxa.
Una sangría de puestos de trabayu ensin fin. Nun pasa nada, tienen un plan. Turismu, Amazon y Costco. Dixolo Cepi puntu reondu. ¡Ehí si que va a haber drechos y van ganase perres abondo trabayando 30 hores!
Pero la culpa nun ye de ellos, nin tan siquiera de Hunosa que va regalanos una incineradora de basura na Pereda. Ni de los comités de empresa qu'esparden el mensaxe "movilizase ye malo" "agora non compañeros" como faen en Valnalón. En Inneria y Capgemini. Que vergüenza…
Los empresarios tienen un plan y los políticos, xueces, policíes y demás lacayos tan pa facer que se cumpla. Y lo demás importayos una mierda. Quierenlo too y quierenlo agora.
Nosotros somos más y el camín tan marcandolu les compañeres del SAD, de DXC, de toles empreses onde nos xunimos y pasamos a la ación. Organizamonos y lluchamos, vase a la güelga, salse a la calle y dase lluz al conflictu. Y ehí los sindicaleros trastabillen, les asamblees son males de domar. Ye onde nun fai falta comité, nin lliberaos, nin subvenciones. Ye onde medrá la acción directa y l'apoyu mutuu.
Pues eso, busca, axuntate ente iguales, sal a la cai y ponlo too pates p'arriba. Esto ye una guerra, la guerra de clases y n'esti momentu tan mexandonos enrriba.
¡Puxa la llucha de la clase trabayadora!
¡Primeru mayu tolos díes!
¡6 de la suiza absolución!
