jueves 28 de noviembre de 2024 - 12h
La espiral militarista de la UE y la OTAN
GUERRES, MILITARISMU, GASTOS MILITARES, son términos familiares que suenen con fuercia énte la escalada belicista y l'aumentu de les tensiones y conflictos (interimperialistes) xeneraos por diferentes intereses de les élites polítiques y económiques de los países capitalistes.
Implántase asina un marcu ideolóxicu nel que namás hai que lluchar contra los enemigos (esternos y internos), pa lo que se necesita una política de defensa y seguridá que-y dea llexitimación.
Nesti contestu, la UE na so política esterior apuesta por una mayor militarización, distanciándose del so proyectu fundacional basáu na "paz y los DDHH". Tamién la OTAN, nel so papel de xendarme mundial, va espardiéndose por dellos países y ta enfotada nel oxetivu de que los países miembros destinen el 2% del so PIB a la fabricación d'armamentu nel añu 2029.
La industria de defensa española preséntase como un pilar estratéxicu d'esi proyectu. El presupuestu de los programes especiales pa fabricar armes, creció n'España un 748% dende'l 2004 y, el destináu a defensa nel añu 2024 ye de más de 24000 m€. España sitúase como l'octavu esportador d'armes mundial, y los fabricantes d'armes, necesiten guerres, non paz.
¿Y n'Asturies qué?
Pues nos últimos tiempos, el ministeriu de defensa invirtió 5000m€ pa proyectos vinculaos cola fabricación de blindaos en Trubia, otros 20m€ pal mantenimientu de los carros Leopard, y un contratu con Rheinmetall de 134m€ pa la fabricación de morteros hasta 2027, ente otros.
¿Y qué facer?
Pensamos que ye necesario rechazar esta espiral belicista, decir non a les guerres y avanzar na senda de la promoción y defensa de los DDHH, la paz, y la democracia, recuperando una educación pala paz comprometía, que lluche contra la ideoloxía militarista y belicista y que ponga frenu a esta militarización de les conciencies pa dexar de presentar a los exércitos como instituciones al serviciu de la paz.
Por toes estes razones y más, decímos-yos que NON, que nel nuestru nome NON y dende'l Conceyu Abiertu pola Paz, convidámoste a participar nos siguientes actos:
PERTENENCIA d'ESPAÑA A LA OTAN: GUERRES Y MILITARISMU.
- Miércoles 27 de Payares a les 19h, nel Atenéu Obreru de Xixón
- Xueves 28 de Payares 12h Salón d'actos de la Facultá de Formación del Profesoráu (Pedagoxía) de la Universidá d'Uviéu.
- Xueves 28, 19h Cibercentru de La Lila, d'Uviéu
Intervién Tom Kucharz, periodista, investigador y militante d'Ecologistas en Acción de Madrid.
