martes 7 de octubre de 2014 - 19h
Xira antirrepresiva peninsular
Charra a cargu de compañeres de la Confederación Sindical Solidaridad Obrera, dientro de la so xira antirrepresiva peninsular, al so pasu per Asturies.
La represión tá creciendo de forma escandalosa nos últimos tiempos coincidiendo coles grandes protestes escontra los recortes llaborales y sociales, hasta llegar a unos llímites insospechaos de falta de llibertaes. Hai decenes de miles de persones con multes, más de mil persones imputaes y cientos con petición de cárcel por participar nes lluches sociales y sindicales.
Nesti actu vamos facer una breve rellación de lluches reprimíes, principalmente en 2012, fuelgues xenerales de 29 de marzu y 14 de payares contra la Reforma Llaboral, lluches mineres contra los pieslles de pozos, lluches contra los desahucios, contra les privatizaciones, los recortes...y tamién más recientes como la del 22-M d'esti añu.
Nesta Xira Peninsular vamos esponer tamién lo que-y pasó al nuesu compañeru Arturo Acón, militante anarcosindicalista na Renfe, el su discriminatoriu e inxustu despíu por ganá-y xucios a la empresa en favor de los sus compañeros, faciendo valer los pocos derechos que-yos asisten.
Falaremos asinamesmo de la propuesta que facemos pa enfrentanos na máxima xunidá posible toles organizaciones sindicales y sociales, a esta represión que acompaña cualesquier llucha contra'l capitalismu, esti sistema inxustu que tamos sufriendo. El cuestionamientu del sistema y de les sus medíes antiobreres o antisociales conlleva la represión desmedía (llegal, policial, xudicial) al serviciu del mantenimientu del poder establecíu.
En cada llocalidá espondránse los casos represivos a los que tán enfrentándose. Al final de la Xira Antirrepresiva queremos facer un resumen de lo espuesto nun dossier que recueya la información apurría en tolos llugares.
