sábado 18 de octubre de 2014 - 12h
Día de la Mocedá Revolucionario 2014
Dende la Mocedá d'Izquierda Soberanista nun podíemos quedar ensin facer reivindicación y alcordanza de la revolución d'ochobre de 1934 nel so 80 aniversariu, polo qu'esti 17 y 18 d'ochobre Darréu entama delles actividaes que componen el Día de la Mocedá Revolucionario 2014, esta vegada n'Uviéu.
El sábadu siguirá l'actividá en Cambalache de magar les 12:00 con un Alcuentru Internacionalista, nel que les distintes delegaciones internacionales amosarán les sos problemátiques y lluches. Pa siguir la xornada, una Xinta Popular (fabada y arroz con llechi, preciu 6 euros) que va preceder a una ruta pelos sitios clave de la revolución d'ochobre, dende les 16:00 a cargu d'Amaia Caunedo y con salida nel Cimenteriu d'Uviéu.
La ruta entama a les 16:00 dende´l Cimenteriu d´Uviéu, cruce de la carretera AS-242 cola subia al Cimenteriu, hai un bus cada hora que ye la llinia L1, diremos toos xuntos dempués de la xinta popular nel Llocal Cambalache (Fabada y arroz con llechi 6€), Les paraes pa garrar el bus por exemplu son: Plaza América, Independencia, Uría y Marqués de Sta. Cruz. A cargu de Amaia Caunedo. La ruta entamará mui puntual, podeís tamién dir amestándovos al recorríu:
Itinerariu, a cargu d'Amaia Caunedo:
Cimenteriu: na explanada na que s´atopa'l monolitu n'homenaxe a los fusilaos na posguerra. Ellí alcontrábense escondies dalgunes armes que s´ usaron durante la revolución y foi´l llugar d´alcuentru de varies columnes revolucionaries en so avance a Uviéu.
Caño del Águila: falaremos del barriu de San Llázaru y Villafría, combates y represión.
Malatería: falaremos de los combates na antigua Malatería.
Ronda Sur: (cerca de l´antigua Puerta Nueva). Falaremos de los combates ellí acaecios.
Pza. Salvador Allende (antiguu conventu de les Adoratrices): Falaremos de la represión que sofrieron ellí los combatientes de la revolución, una vegada qu´ esta foi estrapallá.
Plaza de San Miguel: falaremos de varios llugares que s´alcuentres nes cercaníes: del antiguu hospital, de l´antigua Quinta Röel y la sede del Tercer Comité Revolucionariu n´ Uviéu .
C/Arzobispo Cueto Guisasola esquina con C/Marqués de Gastañaga: ye´l llugar onde alcontrábase´l antiguu cuartel de carabineros.
Plaza de la Casa Conceyu: llugar onde alcontrabase´l antiguu Banco Español de Crédito
.
Plaza del Fontán: llugar de xunta del Segundu Comité Revolucionariu, etc...
Plaza de la Escandalera: Falaremos de los socesos socedios na Diputación, asina como de los combates na zona de la cai Uría.
C/San Francisco: Universidá antigua y socesos ellí acaecíos.
Plaza de la Catedral: baxaremos pola Cai del Águila pa falar de los combates alrodiu a la catedral y l´antiguu Gobiernu Civil.
C/Adelantado de la Florida: en frenti a la antigua fábrica d´armes pa falar de los combates acaecios equí.
Campus del Milán: antiguu Cuartel de Pelayo, pa falar alrodiu de la organización militar de la resistencia y la represión ellí fecha tres el fin de la revolución.
A la fin d'esta ruta, haza les 19:00, tendrá llugar frente a la Sala Sir Live un actu escontra la emigración forciada de la mocedá, encuadráu dientro de la campaña que Darréu desendolca contra esta problemática n'Asturies.
Pa rematar la xornada y el DMR 2014, el conciertu XI Asturies Nun Escaez na Sala Sir Live, dende les 20:00 hores con Skama La Rede, Avientu, Ochobre, La Tarrancha y Skontra. Tanto durante'l conciertu como nel restu d'actividaes va llevase alantre'l "DMR Solidariu", iniciativa cola qu'animamos a traer un kilu de comida non perecedero que va ser destinao a la despensa popular autoxestionada que desendolca l'Asamblea de Para@s y Precari@s d'Asturies.
