Axenda Mazucu

Asturies ¿Paraíso natural o paisaxe cultural?Dar visivilidá al paisnaxe...

CONFERENCIA D'ÁSTURA'L MARTES 11 DE MARZU:
"ASTURIES, ¿PARAÍSU NATURAL O PAISAXE CULTURAL? DAR VISIBILIDÁ AL PAISANAXE DENDE L'ARQUEOLOXÍA", por Margarita F. Mier, Caderalga nel Dptu. d'Hestoria de la Universidá d'Uviéu, esperta en xénesis de la sociedá feudal altomedieval y nel averamientu a les sociedaes campesines. Fundadora del Llaboratoriu rural del Paisaxe, Hestoria y Patrimoniu (LLABOR).
-----------------
Atenéu Obreru de Xixón
Antigua Escuela de Comerciu, 2ª planta
Cai Tomás Zarracina, xunto al Parchís.
Martes 11 de marzu, 19:00 hores
-----------------
A lo llargo los últimos años, el grupu d'investigación LLABOR vien desendolcando una investigación afitada nel conceutu de l'Arqueoloxía Agraria, entendía esta metodoloxía tanto como una ferramienta p'averase a la conocencia de la hestoria de los paisaxes d'Asturies, como un emburrie pa reflexonar y discutir sobre cómo llograr que'l trabayu desendolcáu dende la investigación valga pa xenerar anovaes formes de xestión cultural.

Afitándonos n'esta metodoloxía de trabayu, presentamos los resultaos de los trabayos desarrollaos nel últimu deceniu en dellos sitios al rodiu de los conceyos de Balmonte, Teberga y Quirós. La fonda información qu'apurren estos trabayos dexa entender cómo se van aprovechando los distintos nichos ecolóxicos qu'ofrez el territoriu: dende les zones onde se sema'l pan a la xestión de los espacios comunales nes brañes. Falaremos de delles esperiencies nos yacimientos de Vigaña, L.linares, Los Fuexos, Cueiru y Andrúas.

MARGARITA FERNÁNDEZ MIER ye Caderalga nel Departamentu d'Hestoria de la Universidá d'Uviéu. La so estensa carrera d'investigación focalízase nel estudiu de la xénesis de la sociedá feudal dende l'Alta Edá Media, la definición del campesináu y l'averamientu a les comunidaes llocales utilizando distintos tipos de fontes: documentales, arqueolóxiques y toponímiques, avanzando cuantitativamente nel desendolcu d'una metodoloxía arqueolóxica afayadiza p'afrontar l'estudiu d'estes comunidaes llocales.

Ye fundadora de la iniciativa LLABOR (Llaboratoriu rural del paisaxe, Hestoria y Patrimoniu), que -consolidada nel grupu d'investigación LANDS- dirixe esti equipu de trabayu que desarrolla una amplia actividá investigadora nel marcu de l'Arqueoloxía de los pueblos habitaos y l'Arqueoloxía Agraria.
Foi y ye Investigadora Principal en numberosos proyeutos d'investigación d'I+D+I españoles y europeos de calter competitivu y n'actualidá codirixe un proyeutu d'asemeyaes carauterístiques en Perú.