jueves 30 de octubre de 2014 - 20h
Esposición "Paisaxes postindustriales. Una mirada al patrimonio escaecíu"
El fotógrafu y historiador asturianu Andrés Rodríguez Monteavaro (Bual, 1991) presenta la so primer esposición en formatu físicu, que lleva por títulu Paisaxes postindustriales. Una mirada al patrimonio escaecíu, na sala polivalente del Local Cambalache, d'Uvieo, el próximo xueves 30 d'octubre a les 20:00 hores, tres d'estrenase va tres meses nel Centru Sociocultural de Les Vegues, Corvera.
La esposición va tar compuesta por una extracción de dieciséis fotografíes en formatu mediu que formen parte de la cara artística del actual trabayu de Rodríguez Monteavaro d'inventariáu y análisis de los restos industriales del estremu occidental asturianu. Mui influenciáu por fotógrafos como Edward Burtynsky, Yves Marchand o Romain Meffre, el bualés propónse facer un catálogu apócrifu de la última espresión d'unos elementos hestóricos y artísticos qu'a güeyos de la mayor parte de la población del país, nin esisten nin llegaron a esistir. Xugando con partes escures y col contraste ente grandes espacios y detalles d'elementos de producción, búscase ayudar a entrar dientro d'unos espacios casi inaccesibles pal públicu.
Nel actu tamién se va a proyectar el curtiu-documental de Jorge Rivero titulao La Presa, una obra compuesta por imáxenes y el testimoniu del artista Vaquero Turcios que fai un soberbiu análisis sobre les construcciones y la vida nel occidente del país de postguerra.
Rodríguez Monteavaro yá vien de publicar dientro d'obres como Escueles rurales 02: alcordanza viva d'Asturies (Conseyería de Bienestar Social y Vivienda del Goberno del Principao d'Asturias, Uvieo, 2011); nel númberu 4 de la revista lliteraria Trabatel, onde fai'l so primer acercamientu al patrimoniu industrial na fotografía, o nes revistes
