miércoles 14 de mayo de 2025 - 19h30
Presentación de "Vou" de Vero Rubio trabayu qu’axunta música, palabra e imaxe
Vero Rubio publica 'Vou' el so primer trabayu qu'axunta música, palabra y imaxe
Ta formáu por 11 temes de canción d'autor enllenos de sensibilidá y s'asoleyen agora en formatu llibru y en dixital y nunes selmanes en CD
Yá ta en toles plataformes musicales Vou, el primer álbum de Vero Rubio. La multiinstrimentista canguesa publica 11 temes nos que la canción d'autor y la sensibilidá ye'l puntu d'alcuentru . Pero esti llanzamientu va más allá de la música, porque'l proyectu axunta música, palabra y imaxe y too esto tien reflexu nel llibru de Vou que tamién s'asoleya güei y que yá ta a la venta na tienda online.
D'esta manera Vou ye un ambiciosu trabayu nel que, como desplica Rubio, «cada pieza del proyectu, instrumental o vocal, tien un poema/lletra y un videu que la acompaña, como tres caminos que lleven al mesmu destín». Asina ye como la obra edítase en dos formatos, un CD y un llibru, que contienen caún unes característiques concretes. Nel llibru nárrase la historia de caún de los cantares, recuéyense les partitures y tamién hai fotogrames, poemes/lletra y enllaces pa reproducir la música y l'audiovisual. El CD va salir nes próximes selmanes y compila la música con 11 pieces y un llibretu con un fotograma de caún de los 11 videos, un enllaz pa la so reproducción y un poema/lletra.
