sábado 13 de diciembre de 2025 - 19h
Alcuentru col poeta Alfredo Garay presentando "Rumbu" y "Ellí au s’acaba la mar"
El pixuetu vien falanos (y recitanos) de los sos llibros "Rumbu", Premiu Teodoro Cuesta 2024, y "Ellí au s'acaba la mar", espublizaos por la editorial Trabe.
Va tar acompañáu por la poeta Azucena Couso.
Pa saber sobre "Rumbu":
"Rumbu, Premiu «Teodoro Cuesta» 2024 ye un poemariu nel que resalta un tonu llíricu que recalca'l simbolismu, amás de ser un homenaxe a la mar y a la xente marinero. La mar como fonte y metáfora de vida, pero tamién de muerte y de llucha contra la miseria y el dolor/salitre de la existencia".
Pa saber sobre "Ellí au s'acaba la mar":
"Ellí au s'acaba la mar fala de l'ausencia y del dolor, del pasar del tiempu y del recuerdu feliz d'una infancia en cuartos fríos y de lladriyos calientes, pero tamién del amor, del compañerismu y de la paz. Poemes curtios, cenciellos, poco daos a la filigrama poética pero nos que, de sutaque, relluz la metáfora perfecta, asentada na cotidianidá d'unos actos familiares y domésticos que nun ye mui avezáu atopar na poesía asturiano. Ye, a lo último, Ellí au s'acaba la mar un cantu a la vida, que nun ye otro qu'esi navegar pente los díes y les xeres cotidianes".
Evento de La Llocura Llibrería-Café
