martes 30 de diciembre de 2025 - 19h
Ni una memos. Concentración contra la violencia machista
NIN UNA MENOS,
VIVES NOS QUEREMOS
Dende Feminismu en llucha-CSI y la Plataforma escontra les violencies machistes, volvemos a convocar, como cada fin de mes, l'actu de memoria y denuncia pa visibilizar a toles muyeres asesinaes por violencia machista a lo llargo l'añu.
Esti mes, de forma esceicional por concidir con Nuechivieya, será l'últimu martes.
Martes 30 de avientu
19.00 h
Frente a l'edificiu de La Gota Llechi ( Xixón)
Fadremos una performance colectiva na plaza, onde diremos nomando a ca una de les muyeres asesinaes y, una a una, diremos saliendo na su representación, hasta completar el llistáu.
Porque nun escaecemos a ninguna.
Les muyeres que queráis participar activamente debéis dir vestíes de negro. Dientru lo posible, avisa-y a alguna de les entidaes convocantes pa facilitar la organización.
Convidamos a toles persones a acompañanos na plaza, porque ye fundamental dexar nidio que la violencia machista ye un problema estructural que interpela a tola sociedá.
Animámosvos a tar, participar y facer visible esta realidá que nun puede seguir siendo silenciá.
Poles que tan, les que nun tan, les que pelligren!!
