Axenda Mazucu

Si sube una, subimos toes. ¡OFICIALIDÁ YA!

¡HACKIAMOS L'ANGLIRU! LA REALIDÁ FEMINISTA YÁ NUN YE INVISIBLE

Ficímoslo. Mientres que'l mundu mira pal Olimpu del ciclismu esperando la épica del pedal, la Brigada Feminista yá tomó'l puertu. Hackiamos les señales oficiales pa qu'esti sábadu naide pueda ignorar les nueses #PendientesInvisibles.

Porque si l'Angliru ye'l puertu más duru del mundu, ser muyer nesti sistema capitalista ye subir la so pendiente más estrema.

LES NUESES PENDIENTES INVISIBLES:

Intervenimos el percorríu pa que naide pueda mirar pa otru llau. Esliza pa ver la intervención que yá puedes atopar nel puertu:

EL MAPA DE LA NUESA RESISTENCIA

Muriu del Trabayu Invisible (Les Cabanes): Sostenemos el sistema con curiaos non pagos.

Brecha de Pensiones (Porcío): El final d'una vida de precariedá.

Brecha Salarial (La Cueña les Cabres - 23,5%): Equí la fienda sube al 32% pa les nueses hermanes migrantes.

Desigualdá nel Poder (L'Aviru): Subir ensin referentes cuesta'l doble.

Suelu Pegañosu (Los Picones): El 66% de nós ensin opción d'ascensu.

Neglixencia Sanitaria (Llagos): Crítica al sesgu machista na salú.

Violencia Dixital (Cobayos): L'acosu que sufrimos les más moces.

Violencia Física o Sexual (Xonceo): 840 millones de muyeres nel mundu dixeron basta.

¡PRECISÁMOSTE NEL ANGLIRU!

Nun queremos qu'esti fitu hestóricu pase en silenciu. Queremos que L'Angliru güela a resistencia minera y a llucha feminista.

¿ÓNDE? Nos márxenes de la carretera de la subida a L'Angliru.

¿CUÁNDO? Sábadu 9 de mayu.

¿A QUÉ? A arropar a les ciclistas y a glayar que nun vamos dar nin un pasu atrás.

FAILO VIRAL: Comparti esti mapa de resistencia. Que les pendientes invisibles dexen de selo güei mesmu. Porque lo que nun se noma, nun esiste. Comenta y etiqueta a la que va subir contigo esti sábadu (o cola que subas los puertos de la vida).

Si una sube, subimos toes. Poles que curien, poles que cobren menos, poles que resisten, poles que nun tán y poles que van tar.

DOS CUMALES, UNA MESMA LLUCHA

Esti sábadu 9 de mayu, Asturies tien dos cites cola hestoria y el corazón de la Brigada Feminista llate en dambes.

Nun faltamos a la manifestación; espardémosla. Llevamos l'asturianu a los cumales p'acompañar a les ciclistes que güei ruempen techos de cristal. Porque defender la nuesa llingua ye honrar la nuesa hestoria, y conquistar el monte en clave femenina ye abrir camín pa toes.

Glayamos poles que tuvieron, poles que tán y poles que van venir. Que l'ecu de la Oficialidá llegue dende les cais hasta les nubes.

A les que marcháis na capital: la nuesa voz ta con vós. Subimos polos nuesos raigaños, polos nuesos derechos y na llingua de les nueses güeles.

Si sube una, subimos toes. ¡OFICIALIDÁ YA!

¿Onde vas tar tu esti 9M? Lleémoste nos comentarios