Axenda Mazucu

"El declive de las cercanías en Asturias. Causas, consecuencias y propuestas... "

CONFERENCIA D'ÁSTURA'L MARTES 12 DE MAYU:
"EL DECLIVE DE LAS CERCANÍAS DE ASTURIAS. Causas, consecuencias y propuestas para recuperar una red imprescindible ", por Juan José Tielve, inxenieru de caminos y espertu n'infraestructures y movilidá.
-----------------
Atenéu Obreru de Xixón Escuela de Comerciu, 2ª planta
Cai Francisco Tomás y Valiente, 33201 Xixón Martes 14 d'abril, 19:00 hores
-----------------
Asturies heredó una rede ferroviaria estraordinaria, que naciera venceyada al desenvolvimientu de la industria, la minería y l'articulación del territoriu, pero nun supo convertila nun sistema modernu de movilidá metropolitana. La conferencia percorrerá esa contradicción: un territoriu con munchos quilómetros de vía métrica (754 exautemente), numberosos corredores atendíos y una fuerte tradición ferroviaria, pero con una cuota d'usu muncho menor del so potencial.

L'análisis va tratar del papel de RENFE y FEVE, la comparación con Euskotren, la situación del Metrotrén de Xixón y la perda de centralidá del anchu métricu. La tesis de fondu ye que'l tren asturianu nun necesita discursos combayones, sinón decisiones concretes: inversión caltenida, meyores tiempos, frecuencies confiables, integración urbana y una esplotación pensada pa los viaxeros reales.
-------
JUAN JOSÉ TIELVE (barriu de La Pomar, La Felguera) considérase a sí mesmu un sobreviviente más, que supo adaptase a les circunstancies de la vida con ésitu profesional. Nació cuando en La Felguera nun sabíen que les teyes yeren coloraes; descubriólo nun viaxe a Xixón, onde cursó'l bachilleratu. La carrera d'Inxeniería de Caminos completóla na ETS de Santander.

Empezó a trabayar como profesional lliberal, redactando proyeutos pa dellos conceyos, especialmente pal d'Uviéu cuando yera alcalde Antonio Masip. Nel añu 91 -tres ganar les eleiciones Gabino de Lorenzo-, y yá que taba per ellí, recibió l'encargu de los primeros proyeutos de peatonalización. Un añu más tarde atopábase diseñando, redactando y dirixendo toles obres de peatonalización de la ciudá. Foi, ensin dulda, la so etapa más interesante dende'l puntu de vista profesional.

Rematada esa etapa, y como consecuencia d'ella, propunxéron-y dirixir les infraestructures d'Asturies, un retu al que nun podía negase. Exerció cuatro años como conseyeru de Fomentu y tuvo la oportunidá de dar puxu a munches obres: l'autovía minera y el funicular de Bulnes foron les más representatives d'aquella dómina y quedaron como marca; otres, como la sienda llitoral del Deva al Eo, nunca llegaron a completase.

No que cinca al ferrocarril, na seronda de 1996 (un añu dempués d'entrar nel Gobiernu) yá teníen un plan pa potenciar les cercaníes d'Asturies per mediu d'un conveniu col Estáu pa invertir en FEVE y RENFE. Aquel plan incluyía inversiones d'unos 2.000 millones d'euros d'anguaño. Yera un plan decenal col enfotu d'ameyorar tiempos y frecuencies y de dar al ferrocarril la importancia que tien como mediu de tresporte. Llamentablemente, aquella iniciativa nun tuvo continuidá.