domingo 4 de enero de 2015 - 18h30
Proyección "El expreso de medianoche"
En 1970, Billy Hayes, un mozu estaoxunidense, ye sorprendíu nel aeropuertu d'Estambul al tratar d'abandonar el país con hachís pegáu al su cuerpu. Pa la su desgracia, el Gobiernu turcu desea dar un castigu exemplar a los traficantes de drogues y Billy ye xulgáu por posesión de drogues y condenáu a cuatro años y dos meses, que habrá cumplir n'una prisión d'Estambul. El su padre viaxa a Turquía pa xestionar la su lliberación, pero la embaxada estaoxunidense nada nun puede facer, yá que'l presidente Nixon tensara les relaciones con Turquía.
Empieza asina una pesadilla pal mozu, que habrá afayase al ambiente de miseria dantesca de la prisión. Queda xunto a dos presos estranxeros, Max y Jimmy, que tamién han cumplir llargues condenes. Un condenáu turcu, Rifki los provee y vixila, por encargu'l xefe la prisión, Hamidou, un xendarme sádicu y pervertíu que abusa de los reclusos. Decide entos el padre de Billy contratar a un abogáu turcu, Yesil, que habrá enfrentase a la complicada burocracia llegal turca. En 1974, les apelaciones del abogáu fracasen, al recibir Billy una condena de 30 años, esta vegada baxo'l cargu de contrabandu de drogues, condena emitía pola Corte Suprema d'Ankara.
Billy ve'l su futuru destruyíu y empieza a caer n'un estáu de desequilibriu mental que lu lleva a agredir a Rifki, polo que ye treslladáu a la sección siquiátrica de la prisión. La moza de Billy, Susan, lu visita en 1975 na prisión y consigue entregá-y dineru ocultu n'un álbum de fotos, pa intentar la fuga. Pide falar col xefe Hamidou, úfre-y perres pa que lu lleve al hospital del penal, y esti lu lleva a una habitación, golpéalu e intenta violalu. Billy, na su desesperación, llogra emburriar al xendarme y esti clávase la nuca n'un colgador de la paré y muerre. De siguío, Billy vístese con un uniforme de guardia e intenta la fuga y lo consigue.
