viernes 4 de septiembre de 2026 - 18h
CICLU PULGA: Morir en discotecas llenas de maricas (un paséu guiáu)
Esti paséu ye una ruta emocional a lo llargo de cinco décades de la nueche cuir asturiana. Una propuesta pa ocupar l'espaciu públicu xuntes, alcordándonos d'aquellos chigres, antros, discoteques o espacios clandestinos que nos dexaron reconocenos y xuntanos. Vamos caminar xuntes dende la estación de Renfe, llugar de llegada y alcuentru pa munches persones que viaxaben dende diferentes puntos d'Asturies pa salir de nueche pela ciudá. Dende ellí vamos parar enfrente de chigres que yá nun esisten, llocales que siguen abiertos y otros llugares venceyaos a la memoria cuir del ociu nocherniegu uvieín.
Al traviés de les nueses audioguíes vamos sentir testimonios de persones qu'habitaron estos espacios y vamos activar les paraes con semeyes, oxetos y rellatos que nos van ayudar a reconstruyir fragmentos d'esta hestoria coleutiva. Inspiráu na psicoxeografía y en proyeutos como @elpuenteyelrio , esti paséu propón averase a la ciudá al traviés de les esperiencies, alcordances y percorríos de quien la vivieron dende los márxenes.
☆ Vienres 4 de setiembre, a les 18.00h
☆ Llugar d'alcuentru: estación de Renfe d'Uviéu
☆ Trai'l móvil y los auriculares
☆ Actividá de baldre con inscripción previa mandando un mail a esta direición: pulgxs@gmail.com
