viernes 13 de noviembre de 2026 - 19h30
Presentación del proyectu solidariu "Mujer Ubuntu, mujer viajera"
La pallabra "Ubuntu" procede de les llingües zulú y xhosa, d'orixe bantú, y espresa una filosofía de vida basada na humanidá compartida, el respetu, la comunidá y los cuidaos. Una filosofía que se resume nuna espresión bien guapa: «Soi porque somos», porque la nuesa humanidá ta venceyada a la de les demás persones.
Nelson Mandela solía esplicar Ubuntu ironizando sobre'l conceptu de los árboles xenealóxicos de la cultura occidental, porque entendía que toles persones somos cañes d'un mesmu gran árbol. Eso ye Ubuntu.
Patricia Iglesias Álvarez, Patri, nació en Tamón (Carreño), nel senu d'una familia trabayadora que-y tresmitió dende bien pequeña valores como la solidaridá, la igualdá, la vida comunitaria y el respetu y l'amor poles persones, los animales y el planeta.
Esti vienres, Patri vien a La Rexa pa falanos d'África, de muyeres Ubuntu y de los sos últimos proyectos solidarios en Tanzania, onde collabora cola Fundación Msichana Imara (Neña Valiente), trabayando pol empoderamientu de les muyeres y les neñes.
Una oportunidá pa escuchar, compartir y descubrir África.
Vienres, 13 de payares
19:30 hores
Conceyu Cultural La Rexa (Candás)
¡Nun puedes faltar! ️
