domingo 22 de febrero de 2015 - 18h30
Proyección documental "Rejas, suspiros y llaves"
La cárcel fracasó. Nun resuelve conflictos. Segrega, exclúi, multiplica desigualdaes y aumenta la violencia.
Consecuencia contemporánea de práctiques medievales, les rexes carcelaries nun faen más que llexitimar la tortura. Les cárceles son terrorismu d'Estáu en democracia. Una cuenta pendiente hestórica pa una sociedá que se pretende civilizada, moderna y culta.
El documental retrata la situación carcelaria actual con entrevistes a presos, abogaos y talleristes que planteen l'abolicionismu penal.
Un defensor oficial, un abogáu militante, una comunicadora social, un periodista, un antropólogu, un xuez y dos persones que dalguna vegada tuvieron privaes de la so llibertá, planteen los sos fundamentos y pretenden, ensin más, facer dalgo concreto pa que les coses seyan diametralmente diferentes.
Nun son inxenuos, nun son románticos, nun son utópicos. El cambéu ye posible.
