jueves 12 de marzo de 2015 - 20h
Charra: “Les munches cares de la estrema derecha”
Esti xueves día 12, a les 20:00h, el sociólogu holandés Hans Van Dean Broek va dar una conferencia nel Centru Social La Semiente col títulu de "Les munches cares de la estrema derecha". Con una alarmante esmolición sobre la puxanza de los movimientos nazis y d'estrema derecha n'Europa y la so reestructuración nel estáu español; el sociólogu comenta " Nuna decena de países europeos, los partíos de la estrema derecha asitiáronse ente los más votaos. Pero lo que calificamos como ultraderecha ye un fenómenu heteroxéniu sobre'l que, amás, esisten dellos tópicos erróneos. Solo si entendemos el porqué del ésitu de la estrema derecha nes sos múltiples manifestaciones vamos ser capaces de combatila."
Na charra y posterior alderique van intentase esbillar los "porqués" de la situación actual, de toles variables qu'inflúin a ello y de les consecuencies.
El sociólogu Hans Van Dean Broek , ta especializáu en trabayar la Socioloxía de la inmigración ya integración, el Desenvolvimientu económicu y políticu de China, la Socioloxía del trabayu, la Política internacional y les Ideoloxíes fundamentalistes y violencia política ente otros munches temes. Tien delles publicaciones sobre'l fenómenu de la migración y les sos consecuencies sociales y sobre el racismu y la xenofobia, puntos claves a analizar na conferencia d'esti xueves.
