sábado 16 de mayo de 2015 - 12h
TALLER PRÁCTICU: BUSCANDO NUEVOS ESPACIOS COMUNES: EL PATIU 2.0
Tamos viviendo estos díes una realidá impuesta enllena d'inmediatez ellectoralista, un árbol que nun mos dexa ver el bosque, una cortina de fumu, ¿qué se yo? D'otru lláu, son tiempos tamién nos que, quieras que non, el debate políticu avérase una migayina a la cai y eso sensibilízanos.
BUSCANDO NUEVOS ESPACIOS COMUNES ye un taller prácticu abiertu a tolos públicos nel que vamos analizar dalgunos episodios hestóricos recientes y significativos no que se refier a la xestión colectivu d'espacios urbanos. Darréu vamos presentar el proyectu EL PATIU 2.0 nuna gran folixa-vermú, una folixa de traxe na que tú yes la protagonista.
¿Qué fadríes tú na folixa d'inauguración de la estensión del to propiu patiu? Pues puedes traer dalgo pa picar, una botella de sidre achampanao pa brindar, unes hamaques, una sombrilla, un balón, unes pales de playa. Tamién puedes traer a una gaitera y a una tamborilera, incluso a dalguna reportera y baillar con ella.
Por último, destacar que esti ye un taller abiertu a cualesquier tipu de propuesta tanto teórica como práctica que se mos ocurra. Ah, y recordái que'l patiu de mi casa ye particular y que cuando llueve muéyase como los demás.
https://www.youtube.com/watch?v=ppcqWpZUrK4
