miércoles 20 de mayo de 2015 - 19h30
Presentación de 'CALEYA SÉSAMU' por Damián Barreiro
El periodista Damián Barreiro va presentar el so últimu ensayu "Caleya Sésamu. El papel de la televisión na tresmisión interxeneracional d'una llingua", obra ganadora del XX Premiu Máximo Fuertes Acevedo d'Ensayu. Na presentación va tar acompañáu por Xune Elipe Raposo, vocalista de Dixebra y responsable de Goxe Producciones.
"En cualquier escuela asturiana puede comprobase que Mickey Mouse ye más famosu que Pelayo; que Dora the Explorer tien más devotos que la Santina; y qu'hai más xente que conoz les aventures de Pocoyó que les de Gonzalo Peláez. Agora los mitos que se deprienden son los que salen na televisión. Hai neños asturianos que nun saben lo que ye un trasgu, un busgosu o una xana, pero son quien a dicir de corrío tolos personaxes de la serie Digimon".
Damián Barreiro (A Estrada, Pontevedra, 1984) ye llicenciáu en Periodismu pola UPV/EHU. Depués de formar parte de la plantiya del selmanariu Les Noticies y del diariu dixital Asturies.com, collaboró con otros medios de comunicación, como la Televisión Local de Xixón, el periódicu Diagonal Asturies, les revistes Atlántica XXII, Anuariu de la Música Asturiana o Vértigü, amás del diariu La Nueva España na so sección «Escolinos». Nel añu 2013 ganó'l Premiu d'Ensayu «Fierro Botas», convocáu pol Conceyu de Xixón, y en 2014 el d'Investigación Llingüítica de l'Academia de la Llingua Asturiana.
Tamién va proyectase'l documental "Xeneración Xabarín", que trata del papel que tuvo'l programa infantil "Xabalín Club" na Televisión de Galicia. Vémonos el próximu miércoles a les 19.30 nel Llar La Llegra!
Y amás de Damián Barreiro, va tar Xune Elipe (cantante de Dixebra y responsable de Goxe Producciones) y Carlos González-Espina (responsable d'Impronta editorial) acompañando na presentación.
