jueves 11 de junio de 2015 - 19h
Presentación La Madeja nº 5
Tocábanos elexir un tema de los «non habituales», d'esos nos que básicamente aprovechamos pa falar de lo que nos da la gana. Y eleximos eso del tresgredir, sabedores de que ye dalgo tresversal nel feminismu. Y nun sólo porque ésti trate de romper colos mandaos (hetero)patriarcales, sinon porque convirtió la tresgresión nuna ferramienta política y una forma de pensar-deprender-actuar, llegando a cuestionar hasta'l propiu suxetu políticu del feminismu.
El cuestionamientu asusta, pues amenaza con camudar l'orden de les coses. Les tresgresiones silencioses incomoden, anque, a vegaes, son asimilaes pol poder dominante. Por embargu, son necesaries munches tresgresiones anónimes pa que'l cuestionamientu social españe nes cames, nes cases, nes cais y nes places.
