sábado 13 de junio de 2015 - 18h30
Proyeición "Los cien pasos"
Sicilia, años 50. Cinisi ye un pueblu de la provincia de Palermo, conocíu pol aeropuertu de Punta Raisi, que los xefes de la mafia llocal usen pa los sos negocios. Equí vive'l pequeñu Peppino Impastato, a cien pasos de la casa'l boss Tano Badalamenti, col que la so familia mantién una estrecha rellación, marcada pola llei del silenciu. Peppino agobia al so padre con continues entrugues alrodiu l'actividá del mafiosu, pero a cambiu namás obtién silenciu. En 1968, yá adolescente, comparte los ideales sociales y políticos de la so xeneración y participa nuna manifestación contra l'ampliación del aeropuertu, que-yos quitaría les tierres a los campesinos. Nos años vinientes, funda un periódicu llocal y una emisora independiente ("Radio Aut") na que se mofa de la mafia y de los que la protexen, llegando a suscitar la ira de Badalamenti (Tano Seduto) y la reprobación de la so familia. Al aumentar la so popularidá, el valiente Impastato atrae l'atención del Partíu Comunista, que se pon en contactu con él pa consiguir el so apoyu. Por embargu, la escesiva cautela del Partíu nun convence a Peppino, que lleva alantre les sos iniciatives siguiendo una llínia independiente.
