martes 23 de junio de 2015 - 22h
Foguera San Xuan 2015. La Semiente.
Va ser el quintu añu siguíu que'l colectivu La Semiente entama la Foguera de San Xuan de L'Entregu. Yá tán buscando la madera, y preparando les actividaes lúdiques, como los pasacaiss, la música, el "conxuru escontra la Llei Mordaza" . Si otres veces la temática de la Foguera trató temes como'l de la llucha minera, la represión, la llei del albuertu, el machismu…, anguaño la protagonista ye La Llei Mordaza, que se va empezar a aplicar ya en xunetu y que ye una vuelta de tuerca mas al retayu nos nuesos derechos y llibertaes civiles, tanto individuales como colectives..
Anque cunten cola collaboración de distintes vecines pal Enrrame Les Fontes o tamién pa contribuyir apurriendo madera y muebles vieyos, animen a toa persona que quiera pase estos día pela zona de l'actividá p'arimar el llumbu y llevantar una bona Foguera. Al colectivu La Semiente gustaría-y dicir, que la so intención yera la de faer una programación mas curiosa na edición d'anguaño, pero la coxuntura d'atopase somorguiaos no que ye l'adecuación del nuevu local al que se treslladen, la 5ª Campaña de Recoyida de Llibros y Material Escolar, y les distintes movilizaciones sociales nes que tán meties, como, ente otres, los preparativos de la manifestación Contra la Llei Mordaza pal el 30 de Xunu, faen que nun puedan centrase enforma en l'ampliación del programa de La Foguera.
Animen a toles vecines de L'Entregu y contorna a sumase la nueche del 23 a la celebración del cambéu de solsticiu, a potenciar una tradicón llena de maxa y a faelo dende un puntu de vista críticu y reivindicativu.
Como tolos años va haber una queimada gratuita pa tol mundu y tamién va haber un chigrín pa la auotogestión d'esta y otres actividaes.
