Axenda Mazucu

Proyeición documental "Stonewall"

Los disturbios de Stonewall fueron una serie de conflictos violentos ente la policía de Nueva York y grupos de gais y transexuales que empezaron el 28 de Xunu de 1969 y duraron dellos díes. Tamién conocía como Rebelión de Stonewall, o simplemente Stonewall, estos sucesos marcaron un enantes y un dempués nel movimientu polos derechos de GLBT (gais, llesbianes, bisexuales, transexuales), yá que nunca enantes estos se reunieren en masa pa resistir a les fuerces policiales.

Hasta los años 60, les "incursiones llegales" en bares y clubes nocturnos yéren parte regular de la vida gai nos Estaos Xuníos. Dende aquella, estes incursiones descendieron en gran medía gracies al aumentu de la resistencia del d'aquella incipiente colectivu GLBT y de casos llevaos a tribunales de xusticia.

D'aquella, la policía alcontraba la menor excusa pa facer detenciones baxo acusaciones de "indecencia." Un simple besu yéra bastante, e incluso'l fechu de tar sentáu na barra tomando una copa yéra motivu más que de sobra pa que los "axentes de la llei" ficieren de les suyes con dalgunos de los de nueso.

Pero pesie a esto y a que los llugares d'ambiente yéren teóricamente llegales, sigún l'hestoriador John D'Emilio, la ciudá taba d'aquella en mediu d'una campaña pa l'alcaldía y el d'aquella alcalde, John Lindsay, pa más INRI, republicanu, decidió facer una táctica de "llimpieza." Y Stonewall resultó ser ún de los blancos ideales. Nun sólo yéra consideráu un espaciu escandalosu, sinon que yéra un llugar ensin llicencia pa vender alcohol, con ciertes conexones col crimen organizáu, y onde amás se ufríen gogós masculinos escasamente vestíos como entretenimientu.

Un factor adicional pudo ser racista: Stonewall yéra mui popular ente negros y llatinos, munchos d'ellos drags y/o transexuales.

Ún de los argumentos "oficiosos" esgrimíos tamién yéra que parte de los clientes de Stonewall yéren trabayadores de Wall Street y decidieron argumentar que ciertos robos que se produxeron en determinaes cases d'apuestes, yéren consecuencia de chantaxes hacia esos trabayadores.

Los dueños de Stonewall taben avezaos a esti tipu de redaes, y yéren quien a reabrir el negociu la mesma nueche o al día siguiente, pero nesta ocasión les circunstancies fueron distintes: El 28 de Xunu de 1969, ensin previu avisu, y hacia la 1:20 de la madrugada, la policía entró nel llocal, y mientres llevaben arrestáu a un transexual a un coche patrulla, esti enfrentóse a los axentes d'un mou agresivu, presentando una llucha que animó a la muchedumbre a facer lo mesmo. Xente d'otros llocales xuniéronse al bandu de protesta, usando piedres, botelles y tolo que alcontraron al so pasu pa responder a "l'agresión" policial. Durante esa nueche 13 persones fueron deteníes y cuatro axentes de policía y un númberu non determináu de manifestantes resultaron feríos. Yéren más de 2.000 manifestantes frente a alredor de 400 policíes. El gritu de "¡Poder Gai! foi'l que más claramente se sintió esa nueche.

Hubo posteriormente dos nueches más cargaes de violencia polos enfrentamientos ente policía y manifestantes.

Tola enerxía y la necesidá de llucha que fueron cocinándose a fueu llento enantes de los disturbios, ficiéronse por primer vez presentes con una agresividá ensin precedentes. Hacia finales de Xunetu, el Frente de Lliberación Gai (GLF) nació en Nueva York, y hacia finales d'añu yá esistía en ciudaes y universidaes de tol país. Con posterioridá, creáronse organizaciones asemeyaes en Canadá, Francia, Gran Bretaña, Alemania, Bélxica, Paises Baxos, Australia y Nueva Zelanda.

Al añu siguiente, en conmemoración de los disturbios de Stonewall, el GLF, organizó una marcha de Greenwich Village a Central Park, a la que asistieron ente 5.000 y 10.000 manifestantes. De magar esi momento, el vezu foi adoptáu por multitú de ciudaes estaoxunidenses, siendo les "prides" más famoses nesti momentu, xunto a la de Nueva York, les de San Francisco, Chicago, Los Angeles y Seattle.