viernes 9 de octubre de 2015 - 18h
Alcuentru internacionalista nel DMR 2015
Un añu más l'internacionalismu ye parte importante del Día de la Mocedá Revolucionario, y cuntará col so espaciu propiu en toles actividaes. Sicasí, como ye vezu, habrá un espaciu específicu dedicáu a la formación y l'intercambiu d'esperiencies, en forma d'Alcuentru internacionalista: vienres 9 d'ochobre a les 18:00 nel Llar La Llegra (Cai El Postigo Baxu, 40).
Nesta actividá van participar organizaciones xuveniles del Estáu español, tando confirmaes hasta'l momentu delegaciones de naciones como Païssos Catalans, Castiella, Euskal Herría, o Galiza, que van falar dende la perspeutiva de mocedá sobre temes d'actualidá ya interés nos sos respectivos países.
Ye esta una actividá que sirve tanto pa conocer de primera mano los procesos que tán desendolcándose n'otros países, como p'analizalos y estrayer los elementos que puean ser d'interés pa la realidá específica asturiana. Ye por ello qu'encamentamos a nun perdévos esta prestosa actividá.
