martes 15 de diciembre de 2015 - 20h
Descubriendo a Rosario Acuña [Ciclu Cine]
El Martes 15 d´Avientu vuelve a visitanos Luis Felipe Capellín, que va tar presentándonos a partir de les 20 hores el documental "Descubriendo a Rosario Acuña"
Luis Felipe Capellín, nacíu en Cangues pero xixonés dende neñu, tuvo una participación activa na llucha escontra la dictadura y tamién nos inicios del réximen del 78 con reponsabilidaes polítiques y sindicales. Aunque va unos años qu'abandonó la vida partidaria, nun dexó la llucha pola Xusticia Social, los Derechos Humanos y la Memoria, adientrándose nel mundu audiovisual col envís d'asoleyar tolo que los medios informativos silencien o manipulen.
Rosario d'Acuña y Villanueva. ( Madrid, 1 de noviembre de 1850 - Xixón, 5 de mayu de 1923 )
Escritora,pensadora,periodista,articulista,a la vanguardia na so dómina nel procesu español pola igualdá social ente homes y muyeres, y na llucha polos derechos de los más débiles. Nel so postreru trabayo'l director acercanos a la vida d'esta muyer,polémica,avanzada nel so tiempu,llibrepensadora,d'ideoloxía republicana,masona... una gran desconocida tantu nel planu personal como nel profesional,que pasó los sos últimos años en Xixón,ciudá a la qu'amaba y na que finó y reposen los sos restos.
Fragmentu d'un Discursu de Rosario d'Acuña,lleíu'l 15 de setiembre de 1888 y costeada la so impresión darréu pol Atenéu Obreru de Xixón.
"Obreros de Xixón;hermanos mios;fálabos una obrera como vós,qu'enxamás fixo rumbu de blasonado apellíu sinón p'asitialo ente los más humildes;como a vós, el cansanciu del trabayu bendixo mil veces el mio sele suañu........"
Carta empobinada Al pueblu masónicu.
" A ti,pueblu masónicu,dirixo la mio palabra,y ten en cuenta que ye'l to igual quien te fala; el to igual, que nun quixo nunca formar na files elevaes de la institución,por que la so voz, al llegar a vós, clases populares de la familia masónica, nun adquiriera l'autoridá d'un grau cimeru, sinón antes bien garantizada pola santa igualdá...."
Testos extraidos de les Obres Aconceyaes de Rosario d'Acuña,arrexuntaes por Xosé Bolado.
Origen : https://www.facebook.com/events/1652852814985
Origen : mensaje recibido el 8 diciembre 18h