tema :
Comentar (0)EnviariCalCompartir

jueves 17 de diciembre de 2015 - 20h

"Lliteratura alrodiu la mina". Tres obres de Melchor Riol.

Esti xueves día 17, a les ocho la tarde, l'autor Melchor Riol va falar de les sos trés obres con temática minera nel Centru Social La Semiente de L'Entregu. L'actividá recibe'l títulu de "Lliteratura alrodiu la mina", y tien vocación de ser periódica. Nesti primer alcuentru lliterariu cola mina va ser el nineru retiráu Melchor Riol, quien nos desvele dellos aspeutos de les sos obres y la so motivación al espeyar esti mundu nel papel.
Los trés noveles que van presentase son:

LOS TRÉS ÁLAMOS :
- Ye una hestoria ambientada nel difícil y peligrosu mundu de la mina. Nel pozu Los Trés Álamos, una mina de capital priváu, prodúcense una serie de sucesos y acontecimientos que nos dan a conocer como se viven ente los mineros d'esi pozu. Una hestoria d'amistá y de traxedia vivida dende les coraes de la tierra.
LA FORJA DE UN MINERO:
- Daniel ye un mozu de 20 años que vive colos sos padres, dedicaos a la ganadería, nun pueblu de los montes de Llión llamáu Valdelugueros. Cuando n'Asturies empiecen a producise les contrataciones masives de personal na mina, decide treslladase a trabayar nella. Dende el so primer puestu como vagoneru, Daniel va pasando por dellos puestos, lluchando contra tolos inconvenientes que-y van surdiendo. Día ente día, daquién qu'enxamás vio la mina, con tesón y enforma esfuerzu, va forxándose como mineru hasta consiguir la so valía tantu dientro como fora de la mina.
EL ESLABÓN DE LA CADENA:
- La vida ye como una cadena na que toos y cada un de nós somos un eslabón que pertenecemos a ella. Nunca sabemos cómo, cuándo, nin de qué manera pue apaecenos l'eslabón que nos preciede. Nesta novela vemos cómo, na vida, les coses non siempres acaben cuando un asina lo cree. Los personaxes, mesmos eslabones d'esa cadena, van dexanos bien claro al traviés d'esta hestoria que, como top, esiste un antes, un mientres y un dempués.