jueves 19 de diciembre de 2013 - 20h
Charra: “Contratación pública y corrupción na sociedá capitalista”
Charra: "Contratación pública y corrupción na sociedá capitalista". Con Manuel Benayas Bode
Con esti títulu'l C.S.A. La Semiente, entama una charra -coloquiu esti xueves 19, a les ocho de la tarde, nel nuesu local en C/ Eladio Jove, Nº6, L´Entregu , a cargu del que fora mientres ocho años conceyal del Ayto de Samartín del Rei Aurelio, Manolo Benayas.
Partiendo del fechu reconocíu de que la contratación pública ye l'actividá gubernamental más vulnerable a la corrupción, la charra va afondar nes causes y nes formes que s'utilicen por que pueda producise dicha corrupción. Amás, van tratase exemplos concretos de como s'aprovechen les zones escures de los procesos de contratación pa sentar les bases del robu de dineru públicu que, a lo último, ye no que consiste la corrupción nesta materia. Tamién van encetase iniciatives tendentes a enzancar estos actos delictivos, si bien, teniendo claro que nel marcu del neo-lliberalismu selvaxe nel que tamos, la corrupción ye consustancial col sistema, formando parte de la so mesma esencia.