martes 16 de febrero de 2016 - 19h30
Al rodiu de Gaspar García Laviana: Charra y documental
'Gaspar García Laviana,
Sacerdote nacíu nel añu 1941 en Les Roces, Samartín del Rei Aurelio, misioneru en Nicaragua nel tiempu de la dictadura somocista. Ablucáu pol nivel de violencia y probitú impuestu nel país, involucróse coles actividaes de los sos feligreses, comprometióse col sandinismu y morrió n'avientu de 1978 nuna engarradiella cola Guardia Nacional, el grupu policiaco-militar que mantenía, per aciu del terror y la impunidá, la dictadura d'Anastasio Somoza.
Un cura que se fizo guerrilleru y dexó escrites les razones de la so llucha nuna carta a los sos compañeros de congregación: "Yo nun puedo callar ante esta situación, porque taría contribuyendo a encontrar el gobiernu brutal de Somoza." "El somocismu ye pecáu y lliberanos de la opresión ye llibranos del pecáu. Y col fusil na mano, enllenu de fe y amor pol pueblu nicaragüense, he combatir hasta dar les boquiaes pola llegada del reinu de la xusticia na nuestra patria. ¡Patria llibre o morrer!"
La repercusión de la so muerte n'Astures foi'l biltu de los comités de solidaridá, (COSAL) que ficieron una intensa campaña per más d'una década, relacionada coles instuciones, l'unvíu de materiales, llegada de cantantes y activistes y viaxes de numberoses brigaes de trabayu a Nicaragua.
José Álvarez Lobo, como Gaspar, ye fíu de mineros y vivió munches décades en Nicaragua, siendo la última persona asturiana en tar con Gaspar una selmana enantes de la so muerte en combate.
Escribió varios llibros, como 'Valdivieso, obispo mártir de Nicaragua', 'Cartas del obispo Valdivieso: la defensa de los pueblos de América'. Tamién tornó al asturianu el 'Tchibru de Nehemíes' y la obra del so hermanu Ricardo Álvarez Lobo en Perú 'Los Piros: leyendes, cuentos, mitos.' Interesóse polos recuerdos del so pueblu natal y publicó 'Nembra: la xente y sos coses: topónimos, vocabuleriu' o 'Nel suilu a como nel ciilu: Dios fala con nosotros nes mises de los domingos'.
"Conocí personalmente a Gaspar. Soi testigu de los sos suaños, les sos lluches, les sos crisis, los sos compromisos, la so entrega a les causes qu'amerites y esixen dedicación plena… Tuvi y sigo teniendo la suerte de compartir los ideales pa los que vivió y polos que se desvivió…"
Unos díes enantes de la so muerte, el día de santa Barbara, tuvimos un cachu llargu xuntos falando de la so visión de l'Asturies que visitara poco enantes y, sobre too, de los sos proyectos de futuru pal día, que vía mui cercanu, nel que triunfase'l proyectu y los ideales polos que taba arriesgándolo too, polos probes de Nicaragua y del mundu".
