jueves 10 de marzo de 2016 - 19h30
Proyeición "Diario de Djelfa" a cargu de Luis Felipe Capellín
Max Aub,escritor y poeta,nació en París en 1903. Vivió en Francia hasta 1914,cuando por cuenta de la Primer Guerra Mundial,establecióse,xuntu cola so familia en Valencia,llogrando la nacionalidá española en 1916.En plena guerra nel estáu español representó los intereses del gobiernu de la República en París,siendo'l responsable del encargu ,y la compra del Guernica a Pablo Picasso.Exiliáu en Francia ,en
xineru de 1939,abellugase en París,ciudá na que ye deteníu en
1940,pasando per dellos campos d'internamientu,pa darréu ser
conducíu al d´ Argelés.En 1941 vuelve ser deteníu y tres el so
pasu pola carcele de Niza,ye deportáu a Arxelia,onde permanez nel campu de Djelfa, hasta 1942,mientres la so estancia en dichu campu,a les escondidielles en pequenos cachos de papel,Max Aub escribió dellos poemes que lu ayudare a caltenese vivu, nellos cunta les sos esperiencies y les de los sos compañeros d'infortuniu. El so principal oxetivu ye que quede un
testimoniu d'aquella barbarie.En 1942 en pasando por
Casablanca,embarca camín de Veracruz,México,onde publica en 1945 el so Diariu de Djelfa.
El Diariu de Djelfa ta escritu p'aguantar,pa lluchar y vencer a la humildación,a los agravios,al esperecimientu.Cada persona exiliada aferrose a lo que pudo pa sentise viva,pa caltenese viva.
Max Aub faelo na so obra lliteraria,dexando claro que lo qu'escribe ,nun ye sinón lo que vivió,que fué lo mesmo que vivieron el restu de los prisioneros deportaos que frente al dolor y sufrimientu,opunxeron integridá y sensibilidá.
