viernes 18 de marzo de 2016 - 19h
Presentación + proyeición d' "Escombro: una historia a cielo abierto"
El vienres 18 a les 19:00 va proyeutase per primer vegada n'Uviéu "Escombro: una historia a cielo abierto". Amás d'ello, vamos poder cuntar col so autor, Jaime Santos, que va presentar esti documental, el so procesu, y cualquier cuestión que se-y quiera entrugar.
"Escombro" ye un documental qu'espeya la situación na que quedó la parroquia de Tormaleo (Ibias), por mor de la minería a cielu abiertu.
P'averar al públicu a esta realidá, la narración de vecinos y vecines vien acompañada pola interpretación d' "Os Reises", personaxes d'una tradición bien enraigonada como son les mazcaraes.
Denuncia, satírica, realidá... too eso y más ye "Escombro", cuya primer proyeición ye bien reciente: el 28 de febreru estrenóse en La Pola Siero.
