sábado 19 de marzo de 2016 - 19h
Presentación del llibru "Somos Coca-Cola en lucha"
Espublizada por Editorial La Oveja Roja, Somos CocaCola en Lucha ye l'autobiografía coleutiva de lxs trabayadorxs afectaxs pol ERE de la fábrica de CocaCola en Fuenlabrada. El proyeutu cuntó con un procesu de financiación popular (¡crowdfunding pa lxs modernxs!) pa dar a la so voz l'ecu que se merez. Una llucha en primer persona, dende'l Campamentu de la Dignidá hasta algamar la reconquista'l so trabayu. Naide nun-yos regaló nada. Conquistáronlo.
Somos Cocacolaenlucha narra en primer persona cómo 238 trabayadores y sindicalistes de la fábrica de Cocacola en Fuenlabrada vencieron al xigante. Dende un yo soy Carmen, yo soy Antonio, yo soy Juan Carlos, podremos lleer nuna llínea de tiempu de dos años, el día ente día d'unos y unes trabayadores y les sos families que refugaron un ERE illegal, que'l Supremu calificó de nulu, tornando a los sos puestos de trabayu dos años dempués.
Munchu fríu, dellos meses ensín salarios nin prestaciones, el descubrimientu d'una unión ente compañeros de trabayu qu'alpenes teníen un tratu cordial... y que nesta llucha se convirtieren en los y les espartanes.
Anque la llucha sigue, yá que CCIP (Cocacola Iberian Partners) nun cumple la llei, nin tá reabriendo la planta de Fuenlabrada como "centru loxísticu", sinon más bien como "almacén fantasma". Eso ye lo que fai necesaria la llucha obrera, lxs obrerxs, el mundiu que queremos, tenémoslu que facer. Nun-y lo pagamos a naide a preciu saldu pa que lo faiga por nós. ¡Somos obrerxs!
Más información:
http://laovejaroja.es/cocacolaenlucha.htm
