tema : Feminismo
Comentar (0)EnviariCalCompartir

jueves 14 de abril de 2016 - 19h

Charra - Alderique La muyer na universidá: pasáu y presente

El xueves 14 d'abril a les 19:00 la Xunta Estudiantil Asturiana entama nel Llar La Llegra (Cai El Postigu Baxu, 40) la charra-alderique "La muyer na universidá: pasáu y presente". Na mesma vamos cuntar cola participación de la profesora Mª Esperanza Fernández, que va facer un repasu hestóricu alrodiu'l papel de la muyer nel mundo universitariu, y la so evolución. Xunto a esta cuestión, la XEA va facer tamién la so intervención alrodiu la situación de les muyeres estudiantes anguaño, les sos problemátiques y puntos de llucha.

Dende la Xunta Estudiantil Asturiana queremos con esta iniciativa siguir afondando na concencia feminista del estudiantáu asturianu, y anto'l conocimientu de la perspeutiva hestórica, como l'analís del presente, son elementos imprescindibles pa poder avanzar haza una educación, y n'estensión una sociedá, llibre d'opresión de xéneru y de cualesquier otru tipu.

¡Nun faltéis!

Origen : https://www.facebook.com/events/1325289104777

Origen : mensaje recibido el 7 abril 13h