viernes 22 de abril de 2016 - 19h
"Seleición Asturiana y empoderamientu social" + entrega de chaquetes
El Llar La Llegra (Cai El Postigu Baxu 40 d'Uviéu) acueye esti vienres 22 d'abril a les 19 hores una charra col títulu: "Del secuestru de la seleición asturiana de fútbol a un modelu d'empoderamientu social del deporte asturianu".
La historia de la federación asturiana de fútbol, que cumple 100 años d'esistencia en 2016, secuestrada políticamente pol gobiernu asturianu dende l'añu 2002 tres xugar trés partíos amistosos, valdrá pa texer un filo conductor que nos lleva a los analizar los estremaos modelos vindicativos y organizativos en seleiciones de naciones ensin estáu del mundu y a abrir l'alderique sobre qué modelu deportivu precisa'l nuesu país y cómo reivindicalu ensin escaecer los equipos femeninos.
Amás, cuntamos cola presencia de Míguel Fernandi, conductor deportivu radiofónicu que tien cubierto los partíos de fútbol de la seleición asturiana nos años 2000, 2001 y 2002 escontra Macedonia, Hondures y Lituania y l'Asturies - España de balonmano de 2007 y vamos poder echar una güeyada a materiales asoleyaos daquella, asina como facer alcordanza del coleutivu Astur [*+ ] Hinches que tuviere presente n'aquelles cites deportives modernes.
Per último, fadremos entrega de les chaquetes estilu "Seleición Asturiana" que'l Llar La Llegra diseñó a los más d'un cientu de persones que les encargaren.
Origen : https://www.facebook.com/events/1008067939228
Origen : mensaje recibido el 19 abril 08h