miércoles 27 de abril de 2016 - 19h
Pasucais Antifascista / Pasacalles Antifascista.
Pasucais Antifascista / Pasacalles Antifascista.
Míercoles 27 a les 19:00h
Delantre'l Centru Social Autoxestionáu La Semiente. L'Entregu.
Convoquen: ADEPAVAN (Asociación de Pararos del Valle del Nalóun) y C.S. La Semiente.
Dun tiempu p'acó, ta viéndose espoxigar nel valle'l Nalón actitudes fascistes y nazis; agresiones físiques a migrantes y rapazos d'izquierda, amenaces, pintaes, racismu, xenofobia… Recientemente les pintáes nazis al C.S. La Semiente, o a dos murales solidarios del colectivu ADEPAVAN, ente munches otres son l'ultimu exemplu. Nuna zona como la cuenca minera onde se sufrió tan fuerte les garres del fascismu y onde se lluchó tanto precisamente escontra él, nun podemos permitir qu'esti tipu d'actitues propies de la más ridícula inorancia actúen tranquilamente. Nun podemos mirar pa otru lláu y pensar que ye un rollu de fuboleros, o de macarras, el nacismu y el facismu nunca fueron un xuegu y dexaron tres de sí muncho sufrimientu p'andar banalizándolo.
